Krumma.is

KRUMMA-Flow frá Krumma verður til sýnis á Hönnunarmars. Auk þess verðum við með falleg og þroskandi leikföng ásamt 33 öðrum íslenskum hönnuðum

… Alrún, Birna, Bóas, Brave, Cintamani, Ella, Elm, Eygló, Farmers Market, Go With Jan, GuSt, Hanna Felting, Helicopter, Hlín Reykdal, Hringa, Igló, Kalda, Kiosk, Kron, Krumma, Lúka, Mundi, Nikita, Rey, Shadow Creatures, Skaparinn, Sonja Bent, Spakmannsspjarir, Steinunn, Thelma Design, Varma, Ýr, Zizka.

22. – 25. MARS á Laugavegi 89 (gamla Sautján húsið)

ásamt:

POP-UP ELDHÚS SOLLU Á GLÓ
VINTAGE KJALLARI RAUÐA KROSSINS
KALDI BAR
DEKUR
TULIPOP
BARNA BLIZZ
OKEIBÆ-KUR
HÁR MAKEOVER
MOMS LISTASÝNING

Allir hjartanlega velkomnir !

OPNUNARTÍMI:
Fim 22/3 11:00 – 20:00
Fös 22/3 11:00 – 20:00
Lau 24/3 11:00 – 20:00
Sun 25/3 13:00 – 17:00

Bílastæðahús beint á móti ATMO húsinu

Í aldarfjórðung hefur Krumma ehf. sérhæft sig í framleiðslu leiktækja og umhverfisvara.
Fyrirtækið hefur nú fengið nýja gæðavottun á framleiðsluvörur sínar, svonefnda GS vottun. Allt frá því evrópski leiktækjastaðallinn EN1176, sem fjallar um öryggi leiktækja, var innleiddur á Íslandi með reglugerð, hafa framleiðsluvörur Krumma verið vottaðar í samræmi við hann af DTI vottunarstofunni í Danmörku. Fyrir tveimur árum fórum við í gagngera endurskoðun á vottunum okkar og að henni lokinni tókum við þá ákvörðun að sækja um GS vottun hjá TÜV vottunarstofunni í Þýskalandi. Sú vottun tryggir að vörur merktar GS innihaldi ekki ofnæmis- og krabbameinsvaldandi efni sem bera samheitið PAH (Polycyclic aromatic hydrocarbons). Nokkur umræða hefur skapast að undanförnu um innihald PAH í leikföngum og því ber að fagna enda eiga slík efni ekki heima í umhverfi barna. Ekki er þessarar vottunar krafist skv. reglugerð en okkur hjá Krumma er umhugað um að framleiðsluvörur okkar séu í hæsta gæðaflokki og erum stolt af því að geta nú merkt vörur okkar með þessari vottun. TÜV vottunarstofan mun einnig votta vörur Krumma varðandi öryggisstaðalinn EN1176 ásamt DTI í Danmörku.

Markmið Krumma er að skapa skemmtilegt og öruggt umhverfi fyrir börnin okkar og við erum staðráðin í að halda forystu okkar í framleiðslu á vörum sem tryggja öryggi og velferð barna. GS vottunin er enn ein varðan á leið okkar að því markmiði.

Það var Krumma mikil ánægja að leggja sitt af mörkum til að gera glæsilegt bingó sem haldið var á Barnaspítala Hringsins nú fyrir jólin að veruleika. Bingóið var haldið fyrir börnin og auðvitað tóku foreldrar og systkini barnanna þátt í leiknum.
Leikföngin sem Krumma lagði til í bingóið munu vonandi gleðja börnin á Barnaspítalanum og nýtast þeim vel til afþreyingar og þroska.

Krumma hefur árlega gefið þeim börnum jólagjafir sem dvelja með mæðrum sínum í Kvennaathvarfinu um jólin. Svo verður einnig nú í ár. Og það er víða þröngt í búi og mörg börn sem búa við erfiðar aðstæður. Því ákvað Krumma að styrkja Mæðrastyrksnefnd Reykjavíkur nú í desember með leikfangagjöf að verðmæti 140 þúsund kr. Krumma óskar öllum börnum gleðilegra jóla og vonar að góð og þroskandi leikföng veiti gleði og yl í mörg lítil hjörtu nú um jólin.